Arredor de 200 persoas déronse cita onte á noite na cea-gala do salmón na carpa instalada na praza do Concello. No interior a carpa convirteuse nun acolledor salón onde os comensais puideron degustar os pratos elaborados co peixe dos 4 restaurantes participantes, que foron: Nixon, Samaná, Don Juan e Sala Gradín.

Antes de comenzar a cea, Miguel de la Calle, presidente da Asociación Deportiva Río Ulla, fixo entrega agasallou a Ricardo García-Borregón, Director Xeral de Conservación da Natureza e pouco despóis o gremio de hosteleiros da Estrada obsequiou coa salmoeira de prata a Esteban Covelo, de Mr. Pizza, xubilado dende fai un ano.

A metade da noite, a actuación do transformista Cristian Music Hall fixo reír ao público. A velada continuou ata aproximadamente as 3 h. da madrugada.

Redacción e fotografía: Aroa Martínez

O venres pola tarde na aula superior do Teatro Principal, un obradoiro xuvenil de títeres e hip hop que é unha actividade da Secretaría Xeral de Política Lingüística para a Rede de Dinamización Lingüística.

Dita actividade céntrase no uso da lingua galega no hip hop. O seus obxectivos son:

• Achegar a lingua en contextos de interese, neste caso a xéneros musicais actuais.
• Crear espazos de uso da lingua entre a xente nova, empregando formatos que lles sexan recoñecibles.
• Aumentar as competencias comunicativas e de uso da lingua.
• Potenciar o traballo en equipo.

Os destinatarios son alumnos entre 13 e 17 anos e estructúrase en tres partes: un obradoiro de hip-hop no que se fará unha introducción á súa historia e metodoloxía de creacion; un obradoiro de expresión plástica consistente na construcción dun monicreque que cante, e a posterior posta en escena do monicreque, que será gravada e colgada na rede.

Redacción e fotografía: Aroa Martínez

Onte pola mañá presentouse en rolda de prensa o cartel das Festas da Estrada 2012 que está deseñado por Rosa Herraiz. Xunto a ela estaban Jose M. Marque, membro da Comisión de Festas e Nemesio Rey, edil de Eventos e Mercados.

Rosa explicou que neste cartel buscou elementos que xa empregou o ano pasado, os globos. Con eles quere simbolizar a festa, como é a ilusión que lle pode facer a un neno ter un globo. Por este motivo, o Concello aparece no cartel cuberto de globos, e as cores fortes tamén teñen significado de festa e alegría.

Durante as próximas semanas comunicarán o programa das festas 2012, e entre outros moitos detalles facilitaránse os nomes das orquestras, que ainda están por pechar.

O venres 22 pola tarde, adelantou Nemesio Rey, terá lugar a xuntanza de fillos e amigos de A Estrada, e ás 22 h. da noite unha maratón nocturna, que se pechará coa batalla de bandas, na que a que resulte finalista esta fin de semana fará de teloneira dunha banda aínda sen confirmar.

O sábado e domingo haberá unha subida automobilística, que este ano conta con coeficiente 8, é dicir, o máximo nivel, e todos os que compiten terán que pasar pola nosa vila, o que fará que a participación sexa moi elevada. Neste evento participarán entre 60 e 70 coches e o itinerario será o mesmo do ano pasado, circularán pola estrada PO-213.

Polo día haberá xogos infantís, charangas, xogos deportivos, baloncesto 3×3 nos xardíns municipais, etc.

O Luns de 22 a 01 h. varias bandas tocarán música para bailar na praza do Concello, ó marxe das verbenas que haberá na Porta do Sol e na Praza da Farola.

O martes 26, de forma gratuita e na praza do Concello, haberá un concerto dunha banda tributo chamada Brothers in band que farán tributo a Dire Straits.

Teremos este ano tamén “noites de humor” o luns, martes e mércores, e a tirada de fotos de artificio poderáse ver dende a primeira rotonda entre as rúas que unen a praza da Farola coa Antón Losada o día 27 ás 00,30 h.

O total do recaudado no petitorio a particulares ata o momento é de entorno aos 16,500 euros, pero aínda falta por reunir o total do petitorio das empresas, que o ano pasado foi de 66.000, e espérase sexa similar. O presuposto total para as festas estímase entre 135.000 e 145.000 euros, dos que o Concello aportará 35.000.

Redacción e fotografía: Aroa Martínez

O vindeiro Sábado 19 levarase a cabo polas rúas do pobo da Estrada  o Campionato Galego de Ciclismo:

A partir da 13:00 as categorías Elite e Sub 23 e a partir das 17:00 as categorías Máster e Sénior (circuíto urbano polas rúas do pobo e polas estradas do Concello: saída da rúa Calvo Sotelo-rúa San Pelayo-carretera de Santiago-Santeles-Aguións- rúa Leicures-rúa Ulla-rúa Calvo Sotelo).

Por este motivo o Sábado a partir das 11:00 da mañá as rúas Calvo Sotelo, San Pelayo, Praza Galicia, Av. de Leicures e Ulla estarán cortadas o trafico dende as 11:00 da mañá ata as 20:30 da tarde, quedando totalmente prohibido o estacionamento, a circulación e a saída dos garaxes, por este motivo  recomendamos ter en conta este comunicado e agradecer a colaboración cidadán.

A VII edición da ruta das letras organizada pola Asociación tivo unha extraordinaria acollida, pois contou coa participación entusiasta de 62 persoas, que saíron ás 21:45 da mañá do adro da igrexa de Ouzande, para percorrer un roteiro de 11 km, que atravesou os montes de Ouzande e A Somoza. O nutrido grupo atravesou o contorno da Fervenza de Ouzande en primeiro lugar para logo cruzar a través de camiños de monte, fermosas paraxes de bosques autóctonos e diversos regatos. Na parroquia da Somoza visitamos o lugar de Castrorramiro e tamén fixemos unha parada no idílico Pozo da Freixa, composto por dous muiños e unha fervenza de extraordinaria beleza. Coma sempre cumpriuse o obxectivo de andar e falar, ademais de disfrutar da paisaxe. Ao regreso, ao pé do cruceiro do adro da Igrexa de Ouzande todos os camiñantes recolleron o libro de agasallo para celebrar
esta data tan sinalada. Cabe destacar que ademais da xa abondosa participación de persoas de Ouzande, A Estrada e parroquias limítrofes, contamos cun nutrido grupo de camiñantes chegados da cidade de Pontevedra, e pertencentes ao grupo de senderismo Andaríns do Lérez. A Asociación contou coa xenerosa colaboración do Concello da Estrada para esta actividade, que aportou un lote de libros.

Redacción e fotografía: A Fervenza de Ouzande

Onte pola mañá, nenos e pais foron ao teatro a ver “Un día de formiga” producida pola produtora de Eisenhower Moreno ENCENA PRODUCCIÓNS ARTÍSTICAS, un musical infantil de 45 m de duración para nenos de 3 a 100 anos.

A obra conta as desventuras de Historildo, un auténtico contador de historias, que desexaba conquistar novos mundos coas súas historias, porque a fraga onde vivía quedou pequena para os seus soños. A profesora SabeTodo (o ser máis intelixente da fraga) e as súas fórmulas máxicas axúdanlle a Historildo a embarcarse nunha fascinante aventura na que Formiceira, a formiguiña doceira, que naquel día estaba rematando de facer os doces do aniversario do León, é sorprendida por unha tempestade de neve. A partir dese momento a formiga envólvese en inusitadas situacións e cos máis dispares personaxes que marcarán toda a historia da súa vida.

Redacción e fotografía: Aroa Martínez

Onte ás 12 h. os xardíns municipais de A Estrada acollían a celebración das Letras Galegas entorno ao pedrón de Marcial Valladares. O escritor compostelán, afincado ao municipio estradense Mario Franco Rodríguez, foi o encargado de ler o manifesto e pouco despois xunto co alcalde do concello estradense, José López, facer a ofrenda floral á figura de Marcial Valladares.

O acto estivo acompañado pola música da Banda de gaitas de Barbude.

Redacción e fotografía: Aroa Martínez

Está aberto o prazo de  presentación de solicitudes para participar no Campamento No Mar 2012 organizados polo Concello.

O Campamento desenvolverase nas instalacións do Albergue Xuvenil Marina Española en Sada (A Coruña), distribuídas en 2 quendas:

1º quenda: do 21 o 27 de agosto (rapaces/zas de 12 a 16 anos).

2º quenda: do 27 de agosto o 1 de setembro (rapaces/zas de 8 a 11 anos)

A cota de inscrición para participar é de 70 euros:

O Concello concederá bolsas por importe do 50% da cota de inscrición ás familias numerosas que acrediten dita situación e as familias cunha renda per cápita  no ano 2011  igual ou inferior a 4.153,85 euros.

Cando participen na mesma actividade 2 ou máis irmáns, o segundo e seguintes aboarán o 50% da cota de inscrición .

PRAZO DE PRESENTACIÓN DE SOLICITUDES: ata o 8 de xuño.

PARA MÁIS INFORMACIÓN DIRIXIRSE Ó DEPARTAMENTO DE SERVICIOS SOCIAIS DO CONCELLO

OU CHAMANDO Ó TELÉFONO 986/57.32.65.

Xa está todo listo para a celebración da trixésimo novena edición da Festa do Salmón que terá lugar baixo a carpa habilitada na Praza do Concello. Unha vez lido o pregón ás 12,00 da mañá, dará comezo a degustación na que participarán 12 establecementos e preparán 2000 racións de 3 pinchos cada unha. Será mañá tamén cando se entregarán os premios do Concurso de tapas do Salmón. Haberá tickets de 4 euros cada un para canxear nos establecementos elixidos.

A partires das 22 h. da noite comezará a cea-gala servida por Nixon, Gradín, Don Juan e Samaná, que ten o prezo de 30 euros e onde se inclúen tres platos con salmón, postre, café e chupitos. Music Hall de Cristian de Samil porá a nota musical nesta cea.

O sábado instalaráse unha feria de artesanía nos xardíns municipais, haberá xogos para os nenos e unha exhibición de montaxes de mosca e culleriñas de pesca, ademáis do campionato galego de fondo de ciclismo. E xa pola noite, no Teatro Principal, terá lugar a Batalla de Bandas cos grupos Plus Lottus, John Deeres e Plan Siberia a partires das 23,30 h.

O domingo arrincará coa Ruta do Salmón en BTT. A partires das 11,30 motos Harley Davison recorrerán a vila e farán unha concentración na rúa Calvo Sotelo. O pregón estará a cargo de Miguel Piñeiro ás 12,00 no principal, onde tamén se fará entrega do Salmón de Ouro a Jesús Vázquez Abad e Manuel Luis Sanmartín Durán. Ás 20 h. haberá un concerto da Coral Polifónica Estradense.

Redacción: Aroa Martínez / Imaxe: Concello da Estrada

Onte, mércores, ás 20,30 h. no Teatro Principal tivo lugar o evento “Mil festas máis para a lingua galega”. O acto foi aberto cunha peza do grupo Tequexetéldere. A continuación visionouse un documental titulado “1000 festas máis para a lingua alega”. A introducción do acto foi realizada por Xosé González Martínez, e interveu D. Jesús Mato Brella, Crego de San Xiao de Vea.

O equipo Canal Campus do Departamento de Ciencias da Comunicación da USC fixo unha ponencia sobre “Do palco ao escenario”, un estudo sobre as verbenas con orquestras en Galicia no ano 2010.

O Plan Xeral de normalización da lingua galega aprobado polo Parlamento de Galicia no ano 2004 apunta algunhas medidas que a Xunta de Galicia considera necesarias divulgar:

1. Promover a producción cultural da lingua galega, fomentando a súa calidade e diversificación e traducindo os principais éxitos musicais de cada ano, tratando de incorporalos no repertorio das festas.

2. Establecer acordos cos axentes artísticos de orquestras e espectáculos para garantir a presenza do galego nos contratos, na publicidade con relación co público, e que incorporen a producción cultural galega, polo menos nun 50% da actuación dos grupos musicais e doutras atraccións nas festas populares.

3. Establecer que as programacións culturais que conten coa axuda dalgún organismo público deben garantir a presenza vehicular da lingua galega e unha notable porcentaxe de producción cultural galega.

A Asociación de Funcionarios para a Normalización Lingüística proponlles aos concellos galegos e ás comisións de festas un catálogo de medidas para conseguir unhas festas INNOVADORAS, PARTICIPATIVAS E GALEGUIZADAS, que integren os seus recursos patrimoniais.

Máis información en: http://www.galeguizargalicia.tv/

O cuarteto musical tradicional Tequexetéldere tocou outra peza e leuse o manifesto para a continuación pechar o acto Juan Constenla Carbón, concelleiro de Cultura do Concello de A Estrada.

Redacción e fotografía: Aroa Martínez

]]> http://www.catrogatos.com/2012/05/1000-festas-para-a-lingua-galega/feed/ 0